Ларйе некъан бакъонаш
Хlай, маьрша некъахо! Хьоьга ду хьуна хlара сан къамел! Хьайн дайша шайн тlаьхьадитинчу гlиллакхийн аз ду хьуна со.
"Некъ маьрша хуьлда хьан" - аьлла, маьршачу кханенан новкъа хьо ваьккхина, селханенан аз ду хьуна со.
Нехан некъаш лардина, кешнийн охlланца а гlиллакх лоьцуш, динара а воьссина, йуьртах вийлинчу беречун аз ду хьуна со.
Нехан вонах хьо а, хьан вонах нах а хьоьга ларбайтархьама ду хьуна хьоьга дистхуьлуш сан хlора дош.
Хьайн кхетам сема биталахь, некъан бохаллехь адамна а, дийнатана а зулам дарх ларвалархьама!
Хьайн гlиллакхах ма вохалахь, гlиллакхах воьхна, некъан низам дохош, хьере хилла вогlучуьнца. Хьох масала а эцна, ша лелочух эхь хетта, нисвала тарло хьуна иза.
Хьайн жималлех а, аьчкан машенах а куралла ма йелахь! Бlаьрг-негlар тухучу мlаьргонехь, жима йа воккха ца хоьржуш, мел чlогlа а эчиг бехчалг санна, хьарча а дой, хийла дахар даьхьна некъ бу хьуна хlара!
Хьан некъахо - хьоьгара собар а, ийман а ду хьуна!
Хьоьга, хlай аьрха некъахо, ду хьуна хlара сан кост - ЛАРБЕЛАХЬ НЕКЪ! ЛАРДЕЛАХЬ НИЗАМ!
ЛАРДЕЛАХЬ ДАХАР!
Нехан вонах хьо а, хьан вонах нах а хьоьга ларбайтархьама ду хьуна хьоьга дистхуьлуш сан хlора дош.
Хьайн кхетам сема биталахь, некъан бохаллехь адамна а, дийнатана а зулам дарх ларвалархьама!
Хьайн гlиллакхах ма вохалахь, гlиллакхах воьхна, некъан низам дохош, хьере хилла вогlучуьнца. Хьох масала а эцна, ша лелочух эхь хетта, нисвала тарло хьуна иза.
Хьайн жималлех а, аьчкан машенах а куралла ма йелахь! Бlаьрг-негlар тухучу мlаьргонехь, жима йа воккха ца хоьржуш, мел чlогlа а эчиг бехчалг санна, хьарча а дой, хийла дахар даьхьна некъ бу хьуна хlара!
Хьан некъахо - хьоьгара собар а, ийман а ду хьуна!
Хьоьга, хlай аьрха некъахо, ду хьуна хlара сан кост - ЛАРБЕЛАХЬ НЕКЪ! ЛАРДЕЛАХЬ НИЗАМ!
ЛАРДЕЛАХЬ ДАХАР!
